Ballary Naga - Vishnu sir is not happy with Director

**gclokesh** · by **gclokesh** on Fri Oct 16, 2009 4:33 pm

ದಿನೇಶ್ ಬಾಬುಗೆ ತಲೆಕೆಟ್ಟಿದೆ ಎಂದು
ನಿರ್ಮಾಪಕ ಕೆ. ಮಂಜು ಹೇಳಿಕೆ ನೀಡಿದ ಬೆನ್ನಲ್ಲೇ, ಇತ್ತ ಡಾ. ವಿಷ್ಣುವರ್ಧನ್ ಕೂಡ ಬಾಬು ಬಗ್ಗೆ
ಅಸಮಾಧಾನಗೊಂಡಿದ್ದಾರೆ.

ಒಬ್ಬ ನಿರ್ದೇಶಕನಾಗಿ ಏನು ಮಾಡಬೇಕಿತ್ತೋ
ಅದನ್ನು ಮಾಡಲಿಲ್ಲ ಅಷ್ಟೇ ಎಂದು ಅತೃಪ್ತಿ ವ್ಯಕ್ತಪಡಿಸುತ್ತಾರೆ ಈ ಸಾಹಸಸಿಂಹ ಡಾ.ವಿಷ್ಣುವರ್ಧನ್.
ದಿನೇಶ್ ಬಾಬು ಒಳ್ಳೆಯ ಟೆಕ್ನೀಷಿಯನ್. ಆದರೆ, ಇತ್ತೀಚೆಗೆ ಅವರಿಗೆ ವೃತ್ತಿಪರತೆ ಕಡಿಮೆ
ಆಗುತ್ತಿದೆ. ರೀರೆಕಾರ್ಡಿಂಗ್, ಎಡಿಟಿಂಗ್, ಗ್ರೇಡಿಂಗ್ ಮಾಡುವುದಕ್ಕೂ ಕಷ್ಟವಾಗುತ್ತಿದೆ. ಸಿನಿಮಾ
ಬಗ್ಗೆ ಅವರಿಗೆ ಆಸಕ್ತಿ ಕಡಿಮೆಯಾಗುತ್ತಿದೆ ಎಂದು ದೂರುತ್ತಾರೆ ವಿಷ್ಣು.

ಅದೆಲ್ಲ ಹಾಗಿರಲಿ. ಸುಹಾಸಿನಿ, ವಿಷ್ಣುವರ್ಧನ್
ಅಭಿನಯದ ಮಾಸ್ಟರ್ ಚಿತ್ರ ಇನ್ನು ಡಬ್ಬಾದಲ್ಲೇ ಕುಳಿತಿದೆ. ಅದಕ್ಕೂ ದಿನೇಶ್ ಬಾಬು ಕಾರಣವಂತೆ.
ಚಿತ್ರೀಕರಣಕ್ಕೂ ಮುನ್ನ ಕಥೆ ಓಕೆ ಮಾಡಿ ತಾನೇ ಶೂಟಿಂಗ್ ಪ್ರಾರಂಭಿಸಿದ್ದು, ಈಗ ಸಿನಿಮಾ ನೋಡಿ
ರಿ-ಶೂಟಿಂಗ್ ಮಾಡೋಣ ಅಂತಿದ್ದಾರೆ. ಮೊದಲೇ ಪ್ಲಾನ್ ಮಾಡಿದ್ದಿದ್ದರೆ, ಮತ್ತೆ ರಿ-ಶೂಟಿಂಗ್ ಮಾಡೋ
ಅಗತ್ಯ ಬೀಳುತ್ತಿತ್ತೇ? ನಾನು ಈಗಲೂ ರೆಡಿ. ಆದರೆ ಅದಕ್ಕೂ ಮೊದಲು ನಿರ್ದೇಶಕರು ರೆಡಿಯಾಗಬೇಕು
ಎನ್ನುತ್ತಾರೆ ವಿಷ್ಣು. ಇದಕ್ಕೆ ಏನಂತೀರಾ ದಿನೇಶ್ ಬಾಬು?