E.Krishnappa is back with another Mungaru male

**gclokesh** · by **gclokesh** on Fri Oct 16, 2009 4:31 pm

ಮುಂಗಾರು ಮಳೆ ಮತ್ತೆ ಮಳೆ ಸುರಿಸುವ
ಸುದ್ದಿ ಮಾಡುತ್ತಿದೆ. ಚಿತ್ರದ ನಿರ್ಮಾಪಕ ಇ. ಕೃಷ್ಣಪ್ಪ ಸಧ್ಯದಲ್ಲೇ ಚಿತ್ರವೊಂದನ್ನು ಪ್ರಾರಂಭ
ಮಾಡಲು ಯೋಜಿಸಿದ್ದಾರೆ. ಮೊಗ್ಗಿನ ಮನಸು ಚಿತ್ರದ ಬಳಿಕ ನಿರ್ಮಾಣದಿಂದ ದೂರ ಉಳಿದಿದ್ದ ಅವರು ಈಗ
ಮತ್ತೊಮ್ಮೆ ಗಾಂಧಿನಗರದತ್ತ ಹೆಜ್ಜೆ ಇರಿಸಿದ್ದಾರೆ.

ಹೊಸ ಚಿತ್ರಕ್ಕೂ ಮುಂಗಾರು ಮಳೆಗೂ ಏನು ಸಂಬಂಧ?
ಎಂಬ ಪ್ರಶ್ನೆ ಮೂಡುವುದು ಸಹಜ. ಇದು ಮುಂಗಾರು ಮಳೆ ಭಾಗ ಎಂದು ಅಂದಾಜಿಸಲಾಗುತ್ತಿದೆ. ಹೀಗೊಂದು
ಸುದ್ದಿ ಗಾಂಧಿನಗರದ ತುಂಬೆಲ್ಲಾ ಸುತ್ತಾಡುತ್ತಿದೆ. ಆದರೆ ಇದನ್ನು ನಿರ್ಮಾಪಕ ಇ. ಕೃಷ್ಣಪ್ಪ
ಒಪ್ಪಲು ಸಿದ್ದಲಿಲ್ಲ. ಅದೆಲ್ಲಾ ಸುಳ್ಳು. ಮುಂಗಾರು ಮಳೆ ಲೆಜೆಂಡ್ ಚಿತ್ರ. ಅದನ್ನು ಭಾಗ 1, ಭಾಗ
2 ಎಂದು ಭಾಗ ಮಾಡುವ ಅಗತ್ಯವಿಲ್ಲ ಎನ್ನುತ್ತಾರೆ ಅವರು.

ಅದೆಲ್ಲಾ ಹಾಗಿರಲಿ. ನಿಮ್ಮ ಆ ಹೊಸ
ಚಿತ್ರದಲ್ಲಿ ಗಣೇಶ್ ಇರುತ್ತಾರಾ ಎಂಬ ಪ್ರಶ್ನೆಗೆ 'ಇಲ್ಲ' ಎಂದು ಚುಟುಕಾಗಿ ಉತ್ತರಿಸುತ್ತಾರೆ
ಅವರು. ನಿರ್ದೇಶಕರು ಯಾರು? ಕಲಾವಿದರು ಯಾರು ಎಂಬುದನ್ನು ಸಧ್ಯದಲ್ಲೇ ಬಹಿರಂಗಪಡಿಸುತ್ತೇನೆ
ಎನ್ನುವ ಅವರು, ಮತ್ತೆ ಮೌನ ಸರಸ್ವತಿಯ ಪಾದ ಸೇರುತ್ತಾರೆ. ಚಿತ್ರವನ್ನು ನವೆಂಬರ್‌ನಲ್ಲಿ
ಪ್ರಾರಂಭಿಸಲು ಯೋಜಿಸುತ್ತಿದ್ದಾರೆ ಕೃಷ್ಣಪ್ಪ. ಶಂಖದಿಂದಲೇ ತೀರ್ಥ ಬರುವವರೆಗೂ ಕಾಯಲೇಬೇಕು ಬಿಡಿ.