sunil kumar desai sarigama !!

"ಕ್ಷಣ ಕ್ಷಣ" ಚಿತ್ರದ ಸೋಲಿನಿಂದ ಕ್ಷಣ ಕಾಲ ದೂರಸರಿದಿದ್ದ ನಿರ್ದೇಶಕ ಸುನಿಲ್ ಕುಮಾರ್ ದೇಸಾಯಿ ಮತ್ತೆ ಚಿತ್ರರಂಗದತ್ತ ಮುಖ ಮಾಡಿದ್ದಾರೆ. ದೇಸಾಯಿ ನಿರ್ದೇಶನದ ಹೊಸ ಚಿತ್ರ "ಸರಿಗಮ". ಈ ಚಿತ್ರಕ್ಕೆ ಕಥೆ, ಚಿತ್ರಕಥೆ, ಸಂಭಾಷಣೆಯ ಜವಾಬ್ದಾರಿಯನ್ನು ದೇಸಾಯಿ ಅವರೇ ವಹಿಸಿಕಕೊಂಡಿದ್ದಾರೆ. ಈ ಚಿತ್ರದ ಇನ್ನೊಂದು ವಿಶೇಷ ಇಳಯರಾಜ ಅವರ ಸಂಗೀತ. ಇಳಯರಾಜ ಅವರು ಸಂಗೀತ ನೀಡುವುದಕ್ಕೆ ಲಕ್ಷಗಟ್ಟಲೆ ಹಣ ಕೇಳುತ್ತಾರೆ ಎಂಬ ವರದಿಗಳ ನಡುವೆಯೂ ಅವರು ಕನ್ನಡ ಚಿತ್ರಕ್ಕೆ ಒಪ್ಪಿಕೊಂಡಿದ್ದಾರೆ ಎಂಬ ಸುದ್ದಿ ಆಶ್ಚರ್ಯವನ್ನೇ ಉಂಟುಮಾಡುತ್ತದೆ.

ಪ್ರಜ್ವಲ್ ದೇವರಾಜ್ ಮುಖ್ಯ ಭೂಮಿಕೆಯಲ್ಲಿರುವ ಈ ಚಿತ್ರಕ್ಕೆ ನಾಯಕಿಯ ಆಯ್ಕೆ ಇನ್ನೂ ಆಗಬೇಕಷ್ಟೆ. ಮೂಲಗಳ ಪ್ರಕಾರ ಆಕೆ ಕನ್ನಡದ ಖ್ಯಾತ ನಿರ್ದೇಶಕರೊಬ್ಬರ ಮಗಳ೦ತೆ. ಎಕ್ಸ್ಕ್ಯೂಸ್ ಮಿ ಚಿತ್ರದ ಸುನಿಲ್ ರಾವ್ ಈ ಚಿತ್ರದಲ್ಲಿ ಮುಖ್ಯ ಪಾತ್ರವೊಂದರಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.

ಹಿಂದೆ ದೇವರಾಜ್ ಅಭಿನಯದ "ತರ್ಕ" ದೇಸಾಯಿಯವರಿಗೆ ಹೆಸರು ತಂದು ಕೊಟ್ಟಿತು. ಈಗ ಅವರ ಮಗ ಪ್ರಜ್ವಲ್ ದೇವರಾಜ್ ಸರದಿ. ದೇಸಾಯಿಯವರ ಈ ಚಿತ್ರ ಕನ್ನಡಕ್ಕೆ ಮತ್ತೊಂದು "ನಿಷ್ಕರ್ಷ" ಅಥವಾ "ನಮ್ಮೂರ ಮಂದಾರ ಹೊವೇ" ಆಗಲಿ ಎನ್ನುವುದೇ ಕನ್ನಡ ಚಿತ್ರಪ್ರೇಮಿಗಳ ಆಶಯ.


http://thatskannada.oneindia.in/movies/headlines/2008/11/07-ilayaraja-sarigama-movie-desai-actor-prajwal.html

ಸುನೀಲ್ ಕುಮಾರ್ ದೇಸಾಯಿ ಕನ್ನಡ ಚಿತ್ರರಂಗದಲ್ಲಿ ಹೊಸ ಅಲೆ ಎಬ್ಬಿಸಿದವರು. ಬೆಳೆಂದಿಗಳ ಬಾಲೆ, ನಮ್ಮೂರ ಮಂದಾರ ಹೂವೆ, ನಿಶ್ಕರ್ಷ, ಸ್ಪರ್ಶ� ಹೀಗೆ ಗಾಂಧಿನಗರದಲ್ಲಿ ಹೊಸ ಟ್ರೆಂಡ್ ಹುಟ್ಟುಹಾಕಿದರು.

ಆದರೆ ಆ ಬಳಿಕ ದೇಸಾಯಿ ಮಾಡಿದ ಚಿತ್ರಗಳೆಲ್ಲಾ ಯಾಕೋ ನೆಲಕಚ್ಚಿದವು. ಕ್ಷಣ ಕ್ಷಣ ಚಿತ್ರದ ಬಂದಷ್ಟೆ ವೇಗದಲ್ಲಿ ಹಿಂದೆ ಸರಿಯಿತು. ಇದೀಗ ಮತ್ತೊಂದು ಚಿತ್ರ ಹಿಡಿದುಕೊಂಡು ದೇಸಾಯಿ ಚಿತ್ರರಂಗಕ್ಕೆ ಬಂದಿದ್ದಾರೆ. ಚಿತ್ರದ ಹೆಸರು �ಸರಿಗಮ�.

ಇದನ್ನು ಸ್ಪರ್ಶ ಚಿತ್ರಕ್ಕೆ ಇಡಬೇಕೆಂದು ಕೊಂಡ ಟೈಟಲ್ ಅಂತೆ. ಆದರೆ ಅದನ್ನು ರವಿಚಂದ್ರನ್ ರಿಜಿಸ್ಟರ್ ಮಾಡಿಸಿ ಬಿಟ್ಟಿದ್ದರಂತೆ. ಕೊನೆಗೂ ದೇಸಾಯಿ ಕೈಗೆ ಸಿಕ್ಕಿದೆ. ಚಿತ್ರಕ್ಕೆ ಪ್ರಜ್ವಲ್ ದೇವರಾಜ್ ನಾಯಕ. ಹಿರಿಯ ನಿರ್ದೇಶಕ ಡಿ. ರಾಜೇಂದ್ರ ಬಾಬು ಅವರ ಪುತ್ರಿ ನಕ್ಷತ್ರ ನಾಯಕಿ.http://in.kannada.yahoo.com/Entertainment/FilmPreview/0811/08/1081108045_1.htm